دڵ ئەی لەیلە کەیل هەوای لەیلش بی
از کتاب:
دیوانی جەفایی
اثر:
جفایی (1835-1890)
1 دقیقه
416 مشاهده
دڵ ئەی لەیلە کەیل هەوای لەیلش بی
ئارەزووی بادەی وەسڵ و مەیلش بی
تۆی دەروون وە تەم خەمان تەمام کەیل
هوونی زامی تۆی جگەر وێنەی سەیل
جە ناکا جە وەخت سوبحدا دڵبەر
چون غوڕڕەی سەباح پێشانی ئەنوەر
نمانا، عاڵەم پڕ جە زیا کەرد
پەی تەسکینی دڵ من تەشریف ئاوەرد
وە شنۆی ڕازان شەکەر ڕێزەکەش
وە نەشئەی بۆی زوڵف موشک بێزەکەش
دەفع تام تاڵ کام دڵم کەرد
گەرد دەردێ تۆی بینی تەمام کەرد
دەروونم بادەی وەسڵش نۆشاوە
لیباس مەستیش دیسان پۆشاوە
دڵ وەتەمامی خاڵی بی جە خەم
زام تۆی جگەر یاوا وە مەرهەم