خەیلێ بێ مایەی دەروون وێران بیم
از کتاب:
دیوانی جەفایی
اثر:
جفایی (1835-1890)
1 دقیقه
308 مشاهده
خەیلێ بێ مایەی دەروون وێران بیم
خاڵی جە ئەسباب سەفا و حەیران بیم
کەپر خەم ئەساس وجوودم بەتاڵ
جە بادەی خەمبەر وەسڵ مەهـ جەماڵ
دڵەی مەنزڵگەی بەزم شادی و شەوق
چۆڵ بی نە سەرجەم ئەو بەزم و ئەو زەوق
ناگا فەرەح کەرد دق البابعربی دڵ
داخڵ بی شادان بەو قەدیم مەنزڵ
چون تەشریف ئاورد ئاهووی سەر دەلیل
وە عەزم دیدەن ئەی وە دەرد زەلیل
ئاوا کەردەوە یانەی وێرانە
تازە هۆناوە ڕشتەی پەیمانە
ئەجزای وجوودم مەزەی وەسڵش چەشت
دیدەم وە سورمەی گەرد پاڵاش ڕەشت
نەزم بەزم زەوق دەروون دا تەزیین
فیدای وەفات بام غەزاڵەی موشکین!