جەیرانەی یانەی دڵەی پڕ بەینەت
از کتاب:
دیوانی جەفایی
اثر:
جفایی (1835-1890)
1 دقیقه
330 مشاهده
جەیرانەی یانەی دڵەی پڕ بەینەت
ئامشۆ کەردەن پێشدا یەند مەینەت
تەخت زەمینش هۆر کنیان سەرجەم
دیوارش ڕووکەش کەردەن گەرد غەم
سەقفش ئالوودەی دووی ئاهەن پەرێت
بۆ تەزێینش دەر وێنەی یانەی وێت
ئاوش مەی مەیلت خاکش دوردی دەی
بناوە یانەم بەو دوردی بەو مەی
ئامێزش جە میسک گێسووی سیاڕەنگ
بەڵ موعەتتەر بۆ یانەی دڵ قەشەنگ