وەرە ئەی دڵ لە قوڕ نیشە لە هیجرانا کە قوڕ پێوی
از کتاب:
دیوانی حەمدی
اثر:
حمدی (1876-1936)
1 دقیقه
560 مشاهده
وەرە ئەی دڵ لە قوڕ نیشە لە هیجرانا کە قوڕ پێوی
بڕێژە ئەی جگەر خوێنت کە موحتاجی دەم و لێوی
سولەیمان حەشمەتە مووریچەیی ڕاهی عەشق ئەی دڵ
وەرە ئەم مەعرەکەی نەفسە نگینت گەر هەیە و دێوی
لە مەیدانی موحیببەتدا سەری خۆت کز کە وەک سەحرا
کە فەرهادی عەشق دەرکەوت نەوەک فەرقت بکا کێوی
مەتاعی شیعری من بەر ناکرێ لەم عەهدەدا ئەلبەت
کە ببڕن قیمەتی ئەشیا بە ڕیشی دەوڵەتی خێوی
ئەگەر پشت ڕێشی باری میننەتی غەم بێ فەرەح حەقیە
چ وەختێ ناوی بوو تا غەم نەهاتە ناوەوە نێوی
بەشی ئەهلی موحیببەت گەر نەماوە غەم وەرە قاسیم
دەروونی من ئەوا کەیلە ئەگەر کەییال و غەم پێوی
جگەر بریان و دڵ برژاوی ناری فیرقەتە حەمدیتخلص
تەلاشی چی دەکەی زاڵم وەرە بیخۆ کە بێ شێوی