لە باسی کەوسەرا بۆ من ئیشارەی چاوی کرد واعیز
از کتاب:
دیوانی حەمدی
اثر:
حمدی (1876-1936)
1 دقیقه
425 مشاهده
لە باسی کەوسەرا بۆ من ئیشارەی چاوی کرد واعیز
قیاسی مەی چ غەددارە بە چۆڕێ ئاوی کرد واعیز
دیارە دۆزەخی هەرگیز لە باسی خولدی خۆش نایێ
کە باسی جەننەتم کرد چۆن بزانە ناوی کرد واعیز
وتی دەرکەن لە دڵ سەودایی پەرچەم عەرشی ڕەحمانە
بەجێ بوو ئەو قسەی ئەمما خەیاڵی خاوی کرد واعیز
کتێبی وەعزەکەی بوو دایدڕی لەو وەختەدا باقڵ
کە بۆ کفنی گەدا باسی جەوازی جاوی کرد واعیز
لەسەر چی ئاخۆ دامابێ فەقیرە بۆیە وا ئەمشەو
بەیانی خێری دەفعی حاجەتی داماوی کرد واعیز
وتی ئاخر زەمانە بۆیە باوە کوشتن و تاڵان
بەڵێ بێ دەستەڵاتە بۆیە بەند و باوی کرد واعیز
بە ڕووتی واعیزا دیارە کە دنیا هاتووچۆیێکە
جیهانی حەمدیتخلص تا مەحشەر بە یەک هەنگاوی کرد واعیز