ئەگەر جەننەت بە مەیلی تاقە شێخێکی خودا کا بەش
از کتاب:
دیوانی حەمدی
اثر:
حمدی (1876-1936)
1 دقیقه
985 مشاهده
ئەگەر جەننەت بە مەیلی تاقە شێخێکی خودا کا بەش
خودا شوکرە هەموو جەننەت بکا بۆ خۆی بە تەنها بەش
لە بەحری مەعنیا هەروەک سەدەف دیوانی ئەهلی دڵ
لەبا لەب پڕ لە لەعل و گەوهەرە و یاقووتی ئاڵ و گەش
لە یەک بەد تینەت ئالوودە دەبێ داوێنی دنیایێ
خەلەل ناگا بە ڕەنگی لەعل ئەگەر بخرێتە بەحری غەش
بەڵایە سەیری باڵای ئەو نەخیلە سەیری پێ چاکە
بەشی زیندان و زنجیرە لە عومری خۆی بووە سەر کەش
حەواسی من نیساری چاو و ئەبرۆ هەر دوو زلفت بێ
ئەگەر بکرێ حیسابی نیسبەتی ئەم پێنجە بۆ هەر شەش
لە پشکۆی کوڵمی ئەو شۆخە دیارە ئاورنگ دەتکێ
ئیترحەمدیتخلص لەگەڵ ئاوا مەڵێن یەک ناکەوێ ئاتەش