سەتری ئەحواڵی قەبیحی پێدەکا کاکم بە نوێژ
از کتاب:
دیوانی حەمدی
اثر:
حمدی (1876-1936)
1 دقیقه
513 مشاهده
سەتری ئەحواڵی قەبیحی پێدەکا کاکم بە نوێژ
دامەنی دەس ناکەوێ میسلی وەلەززالین درێژ
فەرقی ناکا شەربەتی مردن لەگەڵ ئاوی حەیات
چونکە بێ زەوقە فەقیرە زاهیدی سەهبا نەچێژ
سەڵتەنەت هەر مەستییە ڕاستە قسەی پیری موغان
سڕڕی مەستوورە سەراپەردەی خەیاڵە بەنگی گێژ
ساقییە خوێن ڕێژە یاران خوێنە دەینۆشن مودام
مەجلیسی ئەم عەسرە خۆشە هەر بنۆشە هەر بڕێژ
کەس نەبوو ڕێگە نیشانی خزری بێ چارە بدا
ئاوی دەسنوێژی حەیاتە باغەوانی تاک نێژ
نووری عیرفانە نیهایەت جورعەیی شیشەی شەراب
دوردەکەی چەندانی وەک من کردە نوکتەی ساف بێژ
حەمدیتخلص مننەت باری جیلوەی ئافتابی بادەیە
هەر کون و قوژبن لە بەیتیدایە بۆتە زەڕڕەبێژ