لەسەر ڕوو پەرچەمت کردوویەتی تەشریحی ئایینت
از کتاب:
دیوانی حەمدی
اثر:
حمدی (1876-1936)
1 دقیقه
550 مشاهده
لەسەر ڕوو پەرچەمت کردوویەتی تەشریحی ئایینت
مەسیحی بێ ئەگەر ئەهلی موحیببەت دێتە سەر دینت
بە یادی خاڵی تۆیە سەجدە بەر مۆرە دەبەن شیعە
لە مل زوننار دەکەن چینی لە خۆشی زلفی چین چینت
چ ئیمکانە قەمەر هەڵبێ موقابیل شەمسی ڕوخسارت
بە پەروانە نەبێ پەروین لە شەوقی چاوی پەروینت
بە جارێ تۆوی میشک و عەنبەری هەر کرد بە کۆی زوخاڵ
کە بۆی هێنا سەبا ناو و نیشانەی خاڵی میشکینت
لە شاخا دەنگی فەرهادم لە گوێ دێ هەر دەڵێ عاشق
بە گژ کێوا بچۆ نامەرد هەتە گەر عەشقی شیرینت
پڵ و پووشێکی وەک من کەوتە بەر ئەو شەمعی ڕوخسارە
حەقی سووتانە نابێتە دەلیلی لوتف یا کینت
ئەوی لەیلا پەرستە نەی سوارە هەر وەکوو مەجنوون
کە وەستا مەرکەبت دنیا پەرست بیکە لە خۆت زینت
وەکوو ئیکسیری ئەحمەر خالیسە خوێنی دڵی حەمدیتخلص
ڕەوایە ئێستە بیکەیتە نیگاری دەستی ڕەنگینت