بۆ حاڵی من دیسانەوە شیوەن دەکا هەوا
از کتاب:
دیوانی حەمدی
اثر:
حمدی (1876-1936)
1 دقیقه
600 مشاهده
بۆ حاڵی من دیسانەوە شیوەن دەکا هەوا
ناچێ کە ئاهی نیوەشەوی کەس ببا هەوا
گەر تێ گەیشتوویی وەکوو غونچە ببەستە دەم
وەک گوڵ کە خەندە مەیلتە عەقڵت بکە دەوا
قاتیل بە حاڵی ئاخیرەتی تۆ ئەسەف ئەکا
کوشتە کە دەست و پێ بە یەکادا ئەگەر کەوا
زوڵمت کە لێ بکەن لە کنت ئیلتیفاتە گەر
زاڵم ڕەزام بە خەڵقی ببینە زوڵم ڕەوا
نەیژەن نەیت فڕێدە دەمێ گوێ لە من بگرە
لایق بە بێ نەوایە مەقاماتی بێ نەوا
هەر خاکە چاوی برسیی شێخم کە پڕ بکا
ئادەم زەمینی نەبی چییە ببڕێ بەقەد کەوا
بۆ سەربڕین کە دێت و دەمیشم لە دەم دەنێ
نازانی عەیبە پێی بڵێ حەمدیتخلص نەوا و نەوا