جوێنی تاڵی یار لە زەوقا مەززەیی شیرین ئەدا
از کتاب:
دیوانی حەمدی
اثر:
حمدی (1876-1936)
1 دقیقه
845 مشاهده
جوێنی تاڵی یار لە زەوقا مەززەیی شیرین ئەدا
کۆهکەن کەی ئەم قەرارە بۆ قسەی شیرین ئەدا
جیلوەبازی ئەمشەوەی بۆ کوشتنی نەفسی منە
خۆر ئەمەندە شوعلە بۆ گوم کردنی پەروین ئەدا
من بە دنیا ناگەم و دینیش لە دەستم دەرچووە
هەر بە ئومێدی ویساڵی دلبەرم تەسکین ئەدا
زەمزەمەی ئەم نیوەڕۆیە سوبحی مەحشەر نیسبەتە
یارە تەرتیباتی کوشتن بۆ منی مسکین ئەدا
تۆ دەزانی لەم خەلادا تەقڵەدانی با چییە
مل شکاوە دەم لە باسی پەرچەمی موشکین ئەدا
چاوی من ئێوە بە ساغی دادەنێن کوێری زەلیل
تەجرەبەی خاکی دەریکا قووەیی بینین ئەدا
دوژمنی ڕێگەی محەببەت جانفیدایە میسلی دۆست
کوفری زلفە موو بە موو بۆ من کە شەرحی دین ئەدا
حازری نوێژی شەهیدی عەشقی تۆن فەوجی مەلەک
بۆ موبارەک بادی مەنزل ڕێ بە مەئموورین ئەدا
کوشتنی حەمدیتخلص بەجێیە تۆ ئەگەر عاجز نەبی
بۆ شەهادەت عەرز و حاڵی بۆ جلی خوێنین ئەدا