مەکە مەنعم لە بتخانە کە نەتدیوە سەنەم کامە
از کتاب:
دیوانی حەمدی
اثر:
حمدی (1876-1936)
1 دقیقه
627 مشاهده
مەکە مەنعم لە بتخانە کە نەتدیوە سەنەم کامە
لە جەننەت کەی ئەگەی واعیز کە نەبینی ئیرەم کامە
بە تەشریفی ئەگەر ئەو شۆخە مەیخانە موزەییەن کا
بە زاهید بۆ ئەڵێن نامەحرەمە ڕێگەی حەرەم کامە
بە دڵ سافی نییە شێخم وەرە بڕوانە پەڕڕەی دڵ
دەزانی جا نیگاری لەوح و ئەسراری قەڵەم کامە
وەکوو من میحنەتی هیجران ببینێ گەر شەوێ زاهید
قیامەت جا دەبینێ تێ دەگا گۆشەی عەدەم کامە
لە بەزمی وەسڵی جانانا ئەگەر هەمدەم دەمێ بووبێ
دەزانی دوردی مەخمووری شەراب و جامی جەم کامە
لە یومنی بادە تەنیا من نەمایەندەی خەراباتم
بەڵێ پیری موغان ئەلبەت ئەزانێ موحتەرەم کامە
ئەگەر مەستی نیگاهی تۆ نەبێ مەجنوونە سا حەمدیتخلص
بیابانی لەبەر چی گرتە بەر جاهـ و حەشەم کامە