ئاشنایی قەت لەگەڵ ئەم دەهرەدا پەیدا نەکەی
از کتاب:
دیوانی کەمالی
اثر:
کمالی (1886-1974)
1 دقیقه
438 مشاهده
ئاشنایی قەت لەگەڵ ئەم دەهرەدا پەیدا نەکەی
ئەتکوژێ ئەم پیرە زاڵە شێتە کاری وا نەکەی
ئاسمانئەتنێتەسەر تەختی شەهەنشایی بەڵام
ئاخریئەتخا ملت ئەشکێنێ پێی بڕوا نەکەی
تۆ بە ڕووتی هاتیە دنیا و بە ڕووتیش هەر ئەڕوێ
بۆ تەماع و ماڵی دنیا کاکە خۆت ڕیسوا نەکەی
وا دڵم لەت لەت ئەکەم وەک شانە بەڵکوو خوا بکا
جار بە جار ئەو پەرچەمە شێواوەتی پێ شانەکەی
جووتە چاوی ساحیری عاشق کوژت بەس هەڵبڕە
ترسی خوات بێ عالەمێ یەکجاری باشەیدا نەکەی
جەوری تۆ دەرمانە بۆ دەردی دڵی بیماری من
لوتفی ناوێت لێت دەخیلە گیانە کاری وا نەکەی
شەرتە سەردانان لە مەیدانی مەحەببەتدا کەمالتخلص
تۆ ئەگەر مەردی ئەبێ سەر دابنێیت و ڕانەکەی