کە من تەوراتی ڕووی تۆم دی نیگاری پەلکە خورمایی
بۆ کچە جوولەکەیەک
از کتاب:
دیوانی کەمالی
اثر:
کمالی (1886-1974)
1 دقیقه
371 مشاهده
کە من تەوراتی ڕووی تۆم دی نیگاری پەلکە خورمایی
بە کۆڵێ عیلمەوە چارەم نییە وا ئەبمە مووسایی
موحەققەقمە لە باخا سەرو و عەڕعەڕگیانی شیرینم
لە باڵای تۆ ئەکەن تەعلیمی ئازادی دڵارایی
ئەگەر شەککەر دەمێکی چەشنی تۆی ببوایە ئەو عەسرە
چلۆن فەرهاد ئەبوو عاشق بە شیرین شۆخی بەغدایی
وتم ماچێک کەرەم کەی ئەتدەمێ گیانم وتی شێتیت
چلۆن ئاوی حەیاتی خۆم ئەدەم من پێت بە خۆڕایی
دووچاوم بۆیە قوربان خۆش ئەوێ تامن ببینم ڕووت
کە ڕووی تۆی پێ نەبینم ئیکە من بۆ چیمە بینایی