بەستەی دڵدار

لە ژێر ئاسمانی شینا،
لە پاڵ لووتکەی بەفرینا،
کوردستانمکان گەڕام،
دۆڵاودۆڵ پێوام،نە لە شار و نە لە دێ:
نەمدی کەس
وەک تۆ جوان بێ!
تۆیت و بەس
کچەکوردێک دڵ پێی شاد بێ،
وەک فریشتە و پەریزاد بێ!نە باریکی، نە گۆشتن،
نە کچۆڵەی، نە شاژن،
نە زۆر چاوڕەشی
نە ئێجگار گەشی
بەڵام بە نیگای شیرین:
نەمدی کەس
وەک تۆ بەتین
تۆیت و بەس!
لێت بێ بزەی مانگەشەوی!
بەژن ڕێک و ڕەوتی کەوی!لەو ڕۆژەوە تۆم دیوە
عەشقێک لە دڵ چەسپیوە!
ساتێ دوور بی لێم،
گڕ بەر ئەبێ تێم!
کە دەست لە یەخەت گیر نابێ!
لەلای کەس
دڵ ژیر نابێ،
تۆیت و بەس
پەنای هیوا و خەوبینینم،
ئاواتی گیانی شیرینم!ئەوسا کە تۆم نەدیبوو،
ژینم تاڵی و ترشی بوو،
بێ شادی و ئارام،
بێ هیوا و ناکام،
ئەژیام: ژینی سەرسەری،
نەمبوو کەس
بۆ ڕابەری،
تۆیت و بەس
ڕێگای هیوا نیشاندەرم،
سەختیی ژیان ئاسانکەرم!ئەی گەورە کچی زەووسشخص!
خوشکە جوانەکەی ڤێنووسشخص!
تۆ ئەپەرستم،
بۆیە وا مەستم!
بۆ ئایینم ئەگەڕێ
هەندێ کەس،
با جاڕ بدرێ:
تۆیت و بەس
قیبلەی ئایین و باوەڕم،
خوای بەهەشتی دڵی تەڕم!وەک سەرەڕۆی شوێن ئامانج،
نە زازا ما نە کرمانج
گەڕام کوردستانمکان،
گەرمیان و کوێستان:
نە لە شار و نە لە دێ،
نەمدی کەس
وەک تۆ جوان بێ،
تۆیت و بەس
کچە کوردێک وەک گوڵ وا بێ،
کوردستانی پێ ئاوا بێ!