چەرخی کەچڕەوئیشی سەیرە چاوەڕوانی هەل ئەکا
از کتاب:
دیوانی کەمالی
اثر:
کمالی (1886-1974)
1 دقیقه
501 مشاهده
چەرخی کەچڕەوئیشی سەیرە چاوەڕوانی هەل ئەکا
دائیما کاسەی سەری کیسرا بە کاسەی کەل ئەکا
کاری دنیا ئێستە گۆڕاوە هەمووی تێ ئەفکرم
مەشقی نووسین هەر بە کوێر و غار بە ئەسپی شەل ئەکا!
فیکە گەر دائیم برای بێت لێرە وا لەم عەسرەدا؟
کەشفی زەڕاتیش بە چاوی خێلی مام ئەحوەل ئەکا
سەر لە عالەم هێندە شێواوە ئەبینم جاهیلێک
نوتق ئەدا عەینەن لە میستەر ئێدناعلام و چەرچەلاعلام ئەکا
من لە بیرم دێ کە تووتی خۆشەویست بوو سەیر ئەکەم
عاقڵی ئەم دەورە ئێستا حەز لە بووم و قەل ئەکا!
مامە ڕێوی مافی شێری لێ ئەدا کەیفی هەیە
شێری نەڕ وەک ڕێوی ماتە چاوەڕوانی گەل ئەکا
ئەم جیهانە سینەمایە دێت و ئەڕوا زوو بە زوو
شێتە هەرکەس یادی مازی و باسی موستەقبەل ئەکا