ئەی مانگ لە لای خۆت تاکی جوانی
از کتاب:
دیوانی کەمالی
اثر:
کمالی (1886-1974)
1 دقیقه
689 مشاهده
ئەی مانگ لە لای خۆت تاکی جوانی
وا دەماغ بەرزی و لەسەر ئاسمانی
گەشت و گێل ئەکەی بە دڵی بێ خەم
شەوق ئەدەیتە سەر ڕووی هەموو عالەم
بە شۆخی و جوانیت بۆچ مەغرووری تۆ؟
خۆ نیتە باڵا و برژانگ و برۆ
زەردە خەنە و ناز عیشوە و پێکەنین
قسەی ڕەنگین و گفتوگۆی شیرین
دیدەی وەک نێرگز زوڵفی وەک شەوبۆ
ئەی مانگ ئەمانەت لە کوێ هەیە تۆ؟
خۆزگە تۆ مانگی منت بدیایە
تاکوو خۆت لە بەر چاو بکەوەتایە