شەماڵ دەخیلم بچۆرە گوڵزار
پاییزی دڵداری
از کتاب:
دیوانی کەمالی
اثر:
کمالی (1886-1974)
1 دقیقه
349 مشاهده
شەماڵ دەخیلم بچۆرە گوڵزار
لە جیاتی بەندە بڵێ بە دڵدار
ئاخۆ لە بیرتە ئازیز ئەو ڕۆژەی
کە جێگەی گوڵی گرتبووەوە خار!
هەر من و تۆ بووین لە ناو گوڵشەندا
جگە لە ئێمە تیا نەبوو یار
فەرمووت داخەکەم ئەوا پاییز هات
لەمەولا چی بکەین لە ناو ژووری تار!
وتم پاییزی عەشقی من و تۆیش
گیانەکەم ڕۆژێ ئەبێ ئاشکار
ئەمڕۆ کە لەیەک جیا ئەبینەوە
بێتەوە بیرت قسەی من ئەی یار
کە لە دوای خۆشیی گیانەکەم خەم دێت
#
لە دوای شادی دەرد و ماتەم دێت