عیلاجی ئێشی دڵ ناکا بە سەد مەرهەم حەکیم ئەمشەو
از کتاب:
دیوانی سالم
اثر:
سالم (1800-1866)
1 دقیقه
997 مشاهده
عیلاجی ئێشی دڵ ناکا بە سەد مەرهەم حەکیم ئەمشەو
لە زەخمی تیری موژگانت بە نەوعێ بەستەریم ئەمشەو
لە لەب نەقدی حەیاتم خوونبەهای یەک بووسە داناوە
ئەگەر یاری قەمەرتەلعەت قوبووڵ کا موشتەریم ئەمشەو
هەوای ئابی بەقای بۆسەت، شەرارەی مەزرەعەی عومرە
لە باغی زیندەگی بۆ نۆبەرەی وەسڵت بەریم ئەمشەو
خەتایە گەر هەوای عەتری گوڵ کەم تا حەیاتم بێ
ئەگەر بێنێ لە موشکین زوڵفی تۆ بۆیێ نەسیم ئەمشەو
هەتیتەی دڵ بکا گەر تەجروبەی قەددت بە باریکی
بەرابەر ئەو دەبێ مووی کاکوڵی هیندی زەخیم ئەمشەو
لە خاکی ئاستانەی دڵبەرا ئوفتادەم و شادم
دەگاتە تاقی کیسرا ڕیفعەتی جێگەی سەگیم ئەمشەو
سەحەر جێی سوجدە شاهید بێ لە ئەشکی سورخ و ڕووی زەردم
لە خاکی کۆیی تۆ ئالوودەیە مەرجان و سیم ئەمشەو
ئەگەرچی ئیحتیاجی ڕوو لە قاپی کەس مەکە سالمتخلص
بە ئوممێدی كەرەم ئیللا خوداوەندی کەریم ئەمشەو