با نەچێتە لای ڕەقیبان یار ئەنیسی خانە بێ
از کتاب:
دیوانی زێوەر
اثر:
زیور (1875-1948)
1 دقیقه
1939 مشاهده
با نەچێتە لای ڕەقیبان یار ئەنیسی خانە بێ
لازمە ئەو ئاسکە لەولا نەبێ، لەو لانە بێ
دیدە وەختێ تۆی لەلا حازر نەبێ وا حەز ئەکا
بۆ نەزەر لەعل و دوڕی یەکتا نەبێ، یەک تا نەبێ
عاریفی حەقبین چ باکی زینەت و ئارایشە
وای ئەوێ ناو شار و ناو دێ وا نەبێ، دێوانە بێ
دۆستی و خزمی نەماوە بۆ ڕەفیقی خۆی فەلاح
حەز ئەکا بەو شەرتە گەر بێ گا نەبێ بێگانە بێ
هەر کەسێ بۆ تەرکی دڵبەر دێ نەسیحەتمان ئەکا
ئەم دوعایەی لێ ئەکەم: یاخوا نەبێ، یا خوانە بێ
شەمعی ڕووتە بۆتە باعیس زێوەرتخلص ئێستا دائیمەن
گەر لە خاتریا کەمێ پەروا، نەبێ، پەروانە بێ