چون بەندە بەو بەند ئیخلاسی بەندەن
از کتاب:
ئەو شیعرانەی دراونەتە پاڵ مەولەوی
اثر:
مولوی (1806-1882)
1 دقیقه
878 مشاهده
چون بەندە بەو بەند ئیخلاسی بەندەن
هەر پاسە بەندەن تا حەیات مەندەن
تەمام مەتڵەب ئەشعارم وانان
خاسی و خراپی یارۆیچم زانان
عەفیفەن بێ عەیب، خاڵییەن جە شەین
ئۆجاغزادەی خاس، نەجیب تەرەفەین
ئادابش زەریف، خولقش چون حوورەن
باڵا میانە خەیرول ئوموورەن
بەڵێ واتەی من پووچ و عەبەسەن
گردین درۆ بۆ سەییدیش وەسەن
وەلحاسڵ واتەم بێ درۆ، ڕاسەن
یارۆ پەی یارۆ پەی یاری خاسەن