ئەترسم ئەی فەلەک بمرم لە چەرخی تۆ نەگەم جارێ
بۆ شۆخێکی تازە
از کتاب:
دیوانی ئەخۆل
اثر:
اخول (1911-1988)
1 دقیقه
995 مشاهده
ئەترسم ئەی فەلەک بمرم لە چەرخی تۆ نەگەم جارێ
بڕێژی خوێنی ناحەقم بە پەنجەی وەسلەتی یارێ
دەسا ڕوویەکی ڕۆژ دەرخە لە تاریکی نەجاتم دە...
پزیشکم کێیە سا توخوا هەتا ماوم بکە چارێ
ئەترسم ئاخری بمرم لە حەسرەت لێوی ئەو شۆخە
لەجێیەک بمگرێ مردن نەبێ هیچ یار و ئەغیارێ
بە ڕەحم و لوتف و ئیحسانت ڕەهام کە لەم خەم و دەردە
لە دەشتی مەحشەرا تاکوو نەئاڵێم لێت وەکوو مارێ
بە شەرتی ڕوویەکم تێکەی، بە خەنجەر گەر سەرم ببڕن
نەکەم هیچ ناڵە و ئۆفێ بەڵێن بێ نەشکەم هاوارێ
لە سایەی ئەشکەوە یاران شوکور ڕووسووری دنیا بووم
بە کامی من نەبوو دنیا لە تاو عەشقی بەبێ یارێ
ئەترسم ئەی خوا بمرم «بەری» یشم کەی لەهەر دوو لا
لە دەست چوو یارەکەت ئەحمەدتخلص ئەتوو کەشکۆڵ و هەمدارێ