خۆشەویستم ڤیتامینی مێژووی منە

خۆشەویستەکەم بێری یە
چاڕۆگەکەی هەولێری یە
دەسگیرانم بیری ی ڕەشماڵ نشینێکە
شوانکارەی گڕی ئەمساڵی
لە پووشانەی بەگ بێزارە
بێری، حەزی لەبازنە
حەزی لەمێخەکی یەخەی بەر بنارە
*
خۆشەویستەکەم بێری یە
چارۆگەکەی هەولێری یە
خۆشەویستم.. قەدپاڵێکە، لەکانیاوی غەریبیدا
بڕی تێنوێتیم دەشکێنێ
شمشاڵی شوانیتی دێرین
لەپاوانی یادی دوورا
بەقەپاری یادی دوورا
بەقەپاری پەزی برسی دەبزوێنێخۆشەویستەکەم بێری یە
گوانی خوێنین دادەدۆشێ
پسپۆڕی ماستی بەهارە
دێ نشینە و..
مارەبڕی ڕەنجی شارە