لە هەولێر شێخ موحییددین، لە کەرکووک سەیید ئەحمەد
لە شاری هەولێر، لە ساداتی بەرزنجی شێخ موحییددین کوڕی شێخ موحەممەد ساڵح کە لە حەیاتایە، ساحیبی تەکیە و میوان، ئەویش بە ماڵی حەڵاڵی، بە ڕەنجی شان و باڵی خۆی، بۆ خدمەتی میوان و دەروێشان لەمەیدانا ڕاوەستاوە. زاتێکە خۆش خۆڵق، سەخی تەبع، بەئیکرام. بۆ هەر کەس ڕووی تێبکا بۆ هەرکاری بێت، سەعیی ئەکا، تێئەکۆشێ. هاتوچۆی هیچ مووەززەفێ ناکا. دائیما لە ماڵ و تەکیەی خۆیا ئامادەی خدمەتە، وە بۆ ڕجای فەقیران و میسکینان لەلای مووەززەف و مەئموورە گەورەکان بە عەریزە و تەحریرات بەیانی ئەکا و ئەدیب و کاتب و موحیببی عولەما و شاعیرانە. زۆرکەسی وایە موراعاتی نەقدییەشی ئەکا. تەکیە و دیواخانی شەب و ڕۆژ کراوەتەوە.
وە لە شاری کەرکووکیش سەیید ئەحمەدی کوڕی شێخ حوسەین، ئەمیش لە ساداتی بەرزنجی، حاجی و غازی و سەخی و ڕووخۆش و لەتیفەگۆ. سفرەی سەخاوەتی بۆ پیرو جوان، بۆ ئەهلی لادێ و شارستان ڕاخستووە. فەخری کوردستان و شێری مەیدانە. زۆر ئەدیب و عاقڵ و سیاسی و داناو ئیش زانە. تەعریفی بەم چەند دێڕە تەواو نابێ. دەردی عەجەمەکان «ضرب المثل»عربی یا نە «برو ببین»فارسی بە چاوی خۆت بچۆ بیبینە، ئەوسا مەردیی ئەو مەعلووم ئەبێ. خوا میسلی زۆر بکا.
وەکوو بیستوومە عەبدۆڕڕەزاق ناوێک لە کەرکووک مزگەوتێکی دروست کردووە، نزیک بیست سی هەزار دیناری لەمزگەوت و ئەوقافیا سەرف کردووە. لازمە ئەم زاتەش داخڵی «گەنجینە» بکرێت. خوا ئیحسانی قوبووڵ کات.