وە بانی چاوان
از کتاب:
دیوانی سەیدی
اثر:
صیدی (1785-1849)
1 دقیقه
805 مشاهده
وە بانی چاوان، وە بانی چاوان
عەلەیکەسەلام وە بانی چاوان
ڕەند گوڵ جەمین، نازداری باوان
سەرسەبز و بۆرچین، سۆنەی سەر ئاوان
شاباز بێ گەرد، هومەیلای پەری
مایل بە روخسار زوهرە و موشتەری
وەش ئامای بە خەیر، وەبانی چاوم
جات نە دلی عەین، دیدەی بێ خاوم
پایەندازت بۆ عومر و هەم گیانم
جسمم، قاڵبم، ڕۆحی ڕەوانم
قەد قدومت یا «اللهعربی» بە خەیر بۆ
سابۆ ئەی دیدەم نەوا کە دێر بۆ
ئەر تۆ نازەنین، پڕ هۆش و فامی
قبوڵ کەی نازدار، من بە غوڵامی
مەمواچە سادار دێوانە و وێڵەن
دێوانەی چون من کەی ئەرا گێڵەن
تایێ زوڵف وێت بووزەم نە گەردەن
واچە سادارەن زەنجیرم کەردەن
ئینشەلڵا جە یومن، تای زوڵفی تۆوە
چون ساحیب فامان عاقڵ مەبۆوە
سەیدیتخلص ئەر تای زوڵف تۆش نەگنۆ وە پێڵ
قەدیم سادارەن دیسان مەبۆ ویڵ