بڕووخێ ئۆقرەی بەندەرەکان

لە باخەڵما.. ئۆقرە دەگری.. وەک کەروێشکێ
پەنجەی یاریم.. ئارەزووەکانت.. دەپێکێ
لەسەر سنگم.. خەوی لەزەت دەتباتەوە و
بەچی دەچێ
کە من لە ناخەوە ئۆقرەم..
لە بێ ئۆقرەییدا بگری!!!ئۆقرە دەگریت و دەگەیتە.. هیواکانت
بەڵام گرێکانی ناو من
بەخۆ خواردنەوە دەمگوشن
وردم دەکەن.. دەمهاڕن.. ئەنجن بە ئەنجن
بەم گەردوونەدا.. دەمپەخشێنن
وەک ستارەی وردی کاکێش
گرێکانم دەبەن بۆ ژان.. دەبەن بۆ ئێشتۆش وەکو هەموو ئەوانەی
لەزەتەکانیان «سنوور»ی و خۆ بۆخۆیین
«هیوا»کانتان، ماسییەکی گوێ بەندەرین
ئێوەی کە بۆ بەندەر ماڵین
نەفامییە/ساکارییە/گێلییەکانتان..
تۆڕێکی وردی گوناهین
دەتانبەنەوە بۆ ئۆقرەی بەندەرەکان.
ماسیی هیواکانی منیش
لە حوکمی بەندەردا.. دەرچوون.
هەتا زووە.. دەستم لێ بشۆ.. ئەی خاتوون
تازە کەس نییە بتوانێ
بمگەڕێنێتەوە بەندەرە
ساختە/کۆنە/ وشکەکانتان
هەر ڕووبارێک دەبم هەرچی خەمتان هەیە
وەکو یاقووت دەیگرمە بن
تا دەیانکەمە «سەرمایە»ی
بنکەی لاوانی لەمەولا.. دەستپێکردن