دەمێکە یار کە ناپرسێ لە حاڵی عاشقی زاری
از کتاب:
دیوانی ئەحمەد موختار جاف
اثر:
احمد مختار جاف (1896-1935)
1 دقیقه
602 مشاهده
دەمێکە یار کە ناپرسێ لە حاڵی عاشقی زاری
لە بیری چۆتەوە چەن وەختە وا عەبدی وەفاداری
لە لام وابوو کە یارێکی وەفادار و وەفاجۆیە
بەسەهوا چووم و نەمزانی وەهایە ڕەسم و ئەتواری
ئەگەرچی بێ وەفا و مەیلە، بەڵام ڕۆح و دڵم سەد جار
بە قوربانی نیگاهی دیدە و لێوی شەکەرباری
ئیتر بۆ چیمە من ئیمان و دین و مەزهەب و ئایین
ئەگەر دەستم کەون حەڵقەی چەلیپای زوڵفی زونناری
لەلام بێ قەدرە من بۆنی وەنەوشە و یاسەمین ئەمڕۆ
کە دێتە بەر خەیاڵم پەرچەمی وەک موشکی تاتاری
نیشانەی خوێنی ئاڵی عاشقی کوژراوی ئەو یارەن
سەری پەنجەی حەنایی و لیباسی سووری گوڵناری
وتی ئەحمەدتخلص لە عیشقا ئێستە وا مەشهوورە ئوستادی
تەماشا کە چلۆن بردم دڵی زارت بە عەییاری