بەسیەتی ئەی قەومی کوردی با وەتەن نەبڕێتەوە
ئەم شیعرانە لە تەئریخی 1340 ی ھجری دامنابوو لە لام نەمابوو. و انووسیمەوە. ئەو وەخت مەکتەب تازە پەیدا ببوو
از کتاب:
دیوانی عاسی
اثر:
ملا مصطفی عاصی (1885-1975)
1 دقیقه
1074 مشاهده
بەسیەتی ئەی قەومی کوردی با وەتەن نەبڕێتەوە
ئاگری ئاساری میللەت چاک وەیە نەکوژێتەوە
بۆ خەزێنەی عیلم و عیرفان جەھلە ڕێگەی گرتووە
دەرکی دیوانی شەفاعەت بۆ لە کورد نەکرێتەوە
ڕووحی دنیا خاکی کوردە باعیسی ژینی ھەموو
چاکە دەرگەی عیلم و عیرفان با لەناو بکرێتەوە
خۆڵەمێشی خاکی ئێمە بۆتە جەوھەر بۆ وڵات
حەیفە با ئەو مەعدەنانە قەت لە کورد نەشرێتەوە
با چوغەی شمشیری غیرەت وا بە دەستی ئێمەوە
سەد دەخیل ئەی قەوم و میللەت با لە دەست نەکرێتەوە
خاکی ئێمە ئەی ڕەفیقان دار و بەردی گەوھەرە
جێی ژیانە وەک بەھەشتە جەھلی تیا دەخولێتەوە
ھەر دوعاگۆتانە عاسیتخلص بۆ وەتەن بووە جانفیدا
شیعری خۆشتان بۆ دەنێرێ ئەو دڵی دەکرێتەوە