مەلا محەممەدی دەرگەڵەیی لە گەڵاڵە ڕۆژی...

مەلا محەممەدی دەڵەگەلەیی لە گەڵاڵە ڕۆژی جمعان خوتبەی ئەخوێند. کە ئەچووە سەرمنبەرەکە دارێکی ئەگرت بە دەستەوە، لە کاتی خوتبە خوێندنەوەکەدا ڕایئەوەشاند. پێیان وت مامۆستا خەتیب کە ئەچێتە سەرمنبەر شیر ئەگرێ بە دەستەوە، تۆ لە باتی شیر دارێک ئەگری بە دەستەوە ئەوە بۆ چی؟ ئەویش ئەیوت ئەم توڵەبابانە پێویست ناکا من شیریان بۆ بگرم بە دەستەوە ئەگەر بە گوێیان نەکردم بەم دارە سەر و بەچکیان ئەنێمە یەک و ئەیانتڕێنم بە گۆڕی بابیانا.