زاوتێکی ئاسف دیوانی سنە هەبوو ئا...
از کتاب:
ڕشتەی مرواری (بەرگی ٥)
اثر:
علاالدین سجادی (1907-1984)
1 دقیقه
507 مشاهده
زاوتێکی ئاسف دیوانی سنە هەبوو، «ئا حەمالی» ناو بوو، بە ئیشی ئاسف دیوان ڕێی ئەکەوێتە تاران. ماوەیەک ئەمێنێتەوە و مانگی موحەڕڕەمی بەسەرا دێت. لەو ماوەیەدا بۆ بێ تاقەتی لەگەڵ خانمێکا ڕێکەوتبوو، شەوی دەی موحەڕڕەم ئەچێتەوە بۆ لای خانم. خانم وتی: «ئاغا ئیمشەو نابێ، چونکە گوناحی شەوی موحەڕڕەم بە دوو چەندان ئەنووسرێ». ئا حەماڵیش وتی: «خانم قەیدی چەس. ئێمە وای دائەنێن کە شەوی یانزەی موحەڕڕەمە و دوو جارمان کردگە»