میرزام پێوارەن
نامەی ژمارە ٦ بۆ هاوسەرەکەی، عەلی ئەکبەر خانی ئەردەڵان، ناسراو بە شرف الملک
از کتاب:
شیعرەکانی جەهانئارا
اثر:
جهان‌آرا (1859-1911)
1 دقیقه
1244 مشاهده
میرزام پێوارەن ...
جەو ساوە باڵات، جە من پێوارەن
بەو «شا» کە سانع لەیل و نەهارەن
نەهارم بێ تۆ، چوون لەیلی تارەن
سەوگەند بەو ڕەیحان سیای چەم وەردەت
بەو شەرت و ئیقرار چەنی من کەردەت
بەو «باڵای نەمام»، بێ عەیب ئاڵات
سەد لەیلێاعلام ببۆ، وە نەزر باڵات
بە «ئاهی گیان سۆز» من جە سەودای تۆ
بە «خەمباری من، عاجزی» ڕای تۆ
بە « دیدەی پڕ ئەسر» کەنیزت قەسەم
بەو « فەرق کاکۆڵ» عەزیزت قەسەم
بەو « شەهد شیرین کەلام»ت قەسەم
بەو «تەرک قامت ئەندام»ت قەسەم
بەو « زاری و فیغان زگاری»م قەسەم
بەو ڕەوێڵەی سەخت دیاری»م قەسەم
بەو«شان وشەوکەت شیرین»ت قەسەم
بەو«مەیل و دووکان»ڕەنگینت قەسەم
بەو «سەیل ئەسرین، عەین وێم» قەسەم
بەو «گۆل هووناو» شەو نە چەم قەسەم
یە گشت قەسەم بۆ میرزای خاترخۆ
شای بەهراماعلام تەمکین، سڵێماناعلام شکۆ
جەوساوە جەی زەید تەشریفت بەردەن
دڵ غەریق بەحر، زووخاو دەردەن