mîrzam pêwaren
namey jimare 6 bo hawserekey, ’elî ekber xanî erdełan, nasraw be şirf almilk
From the Book:
Şî’rekanî Cehanara
By:
Jehanara (1859-1911)
1 minutes
815 views
mîrzam pêwaren ...
cew sawe bałat, ce min pêwaren
bew «şa» ke san’ leyl û neharen
neharim bê to, çûn leylî taren
sewgend bew řeyḧan syay çem werdet
bew şerit û îqrar çenî min kerdet
bew «bałay nemam», bê ’eyb ałat
sed leylêNamed-Entity bibo, we nezir bałat
be «ahî gyan soz» min ce sewday to
be «xembarî min, ’aczî» řay to
be « dîdey piř esir» kenîzit qesem
bew « ferq kakoł» ’ezîzit qesem
bew « şehd şîrîn kelam»t qesem
bew «terk qamit endam»t qesem
bew « zarî û fîẍan zigarî»m qesem
bew řewêłey sext dyarî»m qesem
bew«şan wişewket şîrîn»t qesem
bew«meyl û dûkan»řengînit qesem
bew «seyl esrîn, ’eyn wêm» qesem
bew «gol hûnaw» şew ne çem qesem
ye gişt qesem bo mîrzay xatirxo
şay behramNamed-Entity temkîn, siłêmanNamed-Entity şiko
cewsawe cey zeyd teşrîfit berden
dił ẍerîq beḧir, zûxaw derden