qîblem demaxim
namey jimare 7 bo hawserekey, ’elî ekber xanî erdełan, nasraw be şirf almilk
From the Book:
Şî’rekanî Cehanara
By:
Jehanara (1859-1911)
9 minutes
1703 views
qîblem demaxim ...
nemenen, nîyen berzîy demaxim
dûr ce to perdey derûn dax daxim
zencîr teqdîr kerden yasaxim
kem kem kerden kem somay çiraxim
pejmurden ẍunçey gułałey baxim
pergenden kełaf, xeyatey dêzim
nimînen nergis şehlay xûnřêzim
zerden guł wereq gonay gułnarim
kesasen tuḧfey mayey bazarim
tałen tam dem, taław werdekem
kałen ah serd, syay serdekem
lêłen ayeney cam cemînim
qełaxen kałay bałay xemînim
nařewacen lal, durc yemanîm
bêqerîn gewher, nuqil nehanîm
bê seyren sefay qews qeşengim
toz xêł xem, weşten ne řengim
temam her ce tîr taney bedkaran
mer ḧeq bizano çonim wiyaran
azîzim! ye gişt meynet barî ton
êş û nêş ẍem we zamdarî ton
cefay bedkaran gişt ce boney ton
taney eẍyaran gişt serkoney ton
xesrewNamed-Entity şîrînNamed-Entity, wêł ce sêwing ton
mecnûnNamed-Entity leylêNamed-Entity, řisway lung ton
sen’anNamed-Entity ta meḧşer tersa yar ton
yosifNamed-Entity zułêxaNamed-Entity, giriftar ton
aẍekem! fełek çiman dił řêşen
sa ew nimazo, gunay min çêşen
erê bêxeber, bêbak ce eḧwał
erê tîr’endaz we řûy daney lał
erê bê însaf bê endêş ce kes
erê saḧb zor, ce xuda neters
erê bêřeḧim, wiłat çepaw ker
erê terîdey, sermiley xeter
erê şew bêdar şewan ce zułmat
erê eqlîm gîr pey çeşmey ḧeyat
erê ḧał nezan dûr ce sefa û meyl
erê şeřfiroş hûnî qetił leyl
ta key binoşû zûx zam cerg
ta key bwaçû ey xwa sa merg
ta key pêç werû çûn mar zamar
ta key bikêşû sizay sextî xar
ta key esrînim awpaş xak bo
ta key henasem pexiş eflak bo
ta key derûnim ce endu peř bo
ta key bałînim we hûnaw teř bo
ta key lerem bey, çenî pejaran
ta key xidmet kem min we xunxaran
ta key bwaçan wedeşt û derda:
taftey řiswayîş kêşan we serda
to xwa zelîlî û zigarî ta çend
to xwa xemînî û xembarî ta çend
wêney marangaz, bin tełûk ta çend
bîm ce xişey deng pay mezûk ta çend
weswesey derûn nîmeşew ta çend
ceng çem ta subiḧ çenî xew ta çend
gonay gułnarî çun xezan ta çend
derd ce dest yar ḧał nezan ta çend
bar meyntan, kêşakêş ta çend
xecałetîy xêł, qewm û xwêş ta çend
îrca’ azar, we tebîb ta çend
’uzir namesmû’, pey řeqîb ta çend
pena we bargey şêx û pîr ta çend
fełek çenî dos cya’î ta çend
pey şikił řeqîb, dya’î ta çend
xudawend aman, wesen derdiser
ya necat, ya merg ya wesił diłber
nemenden taqet, tewanay tane
cey fêşter ’ezab, penem menmane
erê keremdar! agay kulil ḧał
to wêt ’elîmî ha bêm we zowxał
xo min ce sing nîm şay muşkił guşad
ce řûy merḧemet, byawem we dad
ce xezaney ẍeyb, to çîş mibo kem
perwane şad bo, şad, we şołey şem
bulbul nekêşo, henî cefay xar
bê xof bigêło pey wêş ne gułzar
barê azîzim, şay tîr’endazan
serdar supay gerden ferazan
dîsan sewgendim, we řutbey xasan
her cew wextewe min wêm şinasan
derûnim ce ’eşq bałat qeqnes bî
řoḧim çenî řoḧ pakit peywes bî
ta be řoy merden, yek la û yek dînim
bizane gyanim! gyanî şîrînim
hoşim herasan, badey saf ton
xeyałim daym, telgiraf ton
ḧewasim ce ser tefreqey řay ton
zîndegî û mergim ama û lway ton
mawam germesêr, eger lêłaxen
demaxim we boy heway to çaxen
ne mayl we zewq, ne ’eyş û şadî
zewqim her tonî cey dunyay badî
ẍeyr ce şêwey to webanî gułda
wiyerden ta peř we baẍçey diłda
henî cey mexlûq ta be řoy merden
şemał hem ce xew guzer nekerden
qesem her bew şay ferd firyadřes
seway to kesim nezanan we kes
ẍeyr ce to kesim we kes newanan
we yadit qesem, şay nocewanan
tonî azîzim, tonî ẍemxarim
her tonî yagey gişt qewm û karim
her ba ce ’ałem waçan bê kesen
meyl tom tenxiway gişt kesim wesen
dîdem ẍeyr ce to bałades nîyen
meylim amêtey meyl kes nîyen
serêwen ne řat tufeylim kerden
sewgend her ewen perî tom werden
qesem her bew şerit îqrar caran
bew wefay qedîm gişt beynetdaran
ta nefes menen, ne yaney qefes
sîway to, dîdem şad nebon we kes
ta xas wêm nekem řisway zemane
nebon we ser jan xwêş û bêgane
ta şikist nedem we şay cewanîm
dinya piř nebo gişt ce bednamîm
ta mînay xatir neřêzo we gił
şerit bo meyl to berneşo ce dił
seway to kesim nezanan wekes
-----|-----Missing
ta alf bałam, wêney nûn nebo
ta mox e’zam gişt we hûn nebo
ta dîdim we aw mirwar teř nebo
ta goşim ce sem’ temam keř nebo
ta çiraẍ řoḧ xas nebo xamoş
şerten meyleket nekem feramoş
her wêm mezanû dił çe derdêşen
bełam perê to faydeş çêşen
min pey to wisten wêm we çemerda
tanem çûn serpoş kêşan we serda
pê to wêm kerden we pend şaran
meḧrûm ce dîdar berze kosaran
pey to derûnim poř nêş wixaren
sed ko çûn şaho ẍem wenem baren
pey to xem gełay cwanîm berden
pey to weharim, xezanş kerden
pey to wêm kerden deyrî û dêwane
pey to pabendim ce meynetxane
pey to kêşanim cewr eẍyaran
tîr taney tał, na’ehlîy yaran
min pey to meşo we efłak nałem
to saz şadît berzen ne ałem
min daym pey to her ham ne zarî
to şewan pey wêt we ’eyş mewyarî
min badey ḧesret hîcranit werdim
cefat pê min bê, sefa pê merdim
ta kê min celat bibûn řencero
ay ce kem şertî û bêwefayî to
ta waçî bedḧał tełxen jyanim
bînayîm bo des wer de ce gyanim
herasim senden ce gîr û gazit
nimebo ḧasił, ce lam nyazit
cey wer kê bîyen yar diłdarit
dîsan her ewen şefay azarit
xedeng ẍemzey kam meřû berdit
hem bişo we laş pê deway derdit
ce yaney xał êmet çe karen
dinya pey to gişt mîna bazařen
ew herko, bidyo sazit piř sozen
daym ne dewran, cejinit pîrozen
min ke xo cejnim, cejnanim xaren
sefay newrozim, çûn jar maren
erê bê mirwet, bê endêş ce tîr
erê bê baweř, ce xuda û pîr
takê ḧerfî tał mederî ne řwom
kê zanûş nyan we ban zanûm
takê mekerîm we çeştey maran
we pûł syay nařeway şaran
qîblem ḧeyfit kerd ce min wiyerdî
xeyałê wey tewr ne dił awerdî
řoye sed bedîm we dił meşmarî
mebo yek nîkîm we çem bidarî
wêm er naxasim derûnim xasen
dił ce bareget saḧêb îxłasen
mebo newaçî wefa û beyniş kon
řoşnîy dinyam, pê wicûd ton
bełam bo we ’eşq bînayî ban ser
ce esp metłeb ladê pyade ber
ew espe çend kes hewadan bewar
çend ser we meydan kerden nigûnsar
çend ustad ’îlim kerden we naşî
çend wezinş kerden we pûş kaşî
min ce ’umir wêm cey dunyay fanî
pam nenyan we ban, řagey nadanî
çetir namûsim, ce ser efraşten
perdey ’îsmetim, her niga daşten
berz meker ce lam, seday nam û neng
şîşey me’sûmîm meder we řwî seng
ne xuda berdar, ne bende řazî
ne fitway şer’en ne ḧukim qazî
fidat bam pê çîş peşîmanît berd
çen sewgenit werd çen car’ehdit kerd
er bibo ce lat, satê we sałê
we bê řezay min, nekey xeyałê
îse ye çêşen, ey řay bêwade
î xesim xeyałî ’ezim û îrade
eger bizano, cêm mebî diłgîr,
eger narîn, we ger zemherîr
dozex peřê to, mekem extyar
ta ’aciz nebo, yarî wefadar
nek waçî dembaz qewiłş betałen
qesem her bew ferd agay kul ḧałen
ne saḧêb baxim, ne saḧêb mîwe
bexşeş, binoşeş, binêşiş pêwe
er baxen er mułk er gencen er mał
dexiłş her be ton daray kemer lał
xatirit cem bo, dił meder we dił
pey to řazyan î baẍçey piř guł
bê taqet mebe, şay xusrew meqam
be wesił şîrîn, meyawî be kam
îse ne cay des, ne wadey karen
ne yagey tedbîr hana û hawaren
pam hane pawend, dû şax załim
meşya xo to xas, zanat be ḧałim
tewq sed menîm şîyen ne gerden
serta pay bałam, aẍşitey derden
bełkum sebeb saz muşkił guşad ker
padşay şahan, dehendey dawer
yed qudretiş, ce hanamewe
xełas kero pam, ce pay damewe
asan bibo kar zeḧmet werdeman
nedryo we bad, řenc berdeman
ya řecay şexsê ya we tidbîrê
bigêrîn we des, damanî pîrê
ẍerez we her new’ karê bisazîn
min û to ce beyn min û to nazîn
ewsa weşen ’eyş her şew ta seḧer
xuda xuşnûd bo, bende bê xeter
werne xo leylit, aramş nîyen
sîway to pey kê řisway ’am bîyen