سەختەن ئازارم
نامەی ژمارە ١ بۆ هاوسەرەکەی، عەلی ئەکبەر خانی ئەردەڵان، ناسراو بە شرف الملک
از کتاب:
شیعرەکانی جەهانئارا
اثر:
جهان‌آرا (1859-1911)
1 دقیقه
1580 مشاهده
سەختەن ئازارم ...
ئاغەم جە دووریت، سەختەن ئازارم
قیبلەگای عەزیز، ڕووی ڕۆزگارم
عەزیزم ڕەفیق، دۆسی نازارم
دۆعای فەراوان، کەمین دۆعاگو
بیاونۆ وە لات، ئاغەم گیانو تۆ
ئەگەر مەیلت بۆ، پەرسەی هەواڵم
جە ئیقباڵ تۆ، شای کەمەر لاڵم
ئەلحەمدولیلا، ئاغەی دڵ سیام
دەغدەغەی تەشویش هیچ نییەن جە لام
غەیر جە باڵای تۆ لێم نادیارەن
ڕۆی ڕۆشەن جە لام تاریک و تارەن
هەر ڕاویارێ عازم بۆ جە لات
بنوویسە ئەحواڵ جە سەر تا وە پات
دوو کەلیمە شەرح سڵامەتی وێت
بنوویسە پەرێم، سەرم ها نەڕێت
ئەر مەیل کەنیز، مەندەن وەلاوە
بپێچەش وە بەرگ، ساف واڵاوە
بکیانە پەرێم، تا خاتر جەم بۆ
ئەندێشەی شەوان جە لای من کەم بۆ
وەرنە بیناییم، هەی بەرگوزیدەم
دایم مەوارۆ سەیڵات نە دیدەم