sexten azarim
namey jimare 1 bo hawserekey, ’elî ekber xanî erdełan, nasraw be şirf almilk
Li pirtûka:
Şî’rekanî Cehanara
Berhema:
Cehanara (1859-1911)
1 Xulek
1582 Dîtin
sexten azarim ...
aẍem ce dûrît, sexten azarim
qîblegay ’ezîz, řûy řozgarim
’ezîzim řefîq, dosî nazarim
do’ay ferawan, kemîn do’agu
byawno we lat, aẍem gyanu to
eger meylit bo, persey hewałim
ce îqbał to, şay kemer lałim
elḧemdulîla, aẍey dił syam
deẍdeẍey teşwîş hîç nîyen ce lam
ẍeyr ce bałay to lêm nadyaren
řoy řoşen ce lam tarîk û taren
her řawyarê ’azim bo ce lat
binûyse eḧwał ce ser ta we pat
dû kelîme şerḧ siłametî wêt
binûyse perêm, serim ha neřêt
er meyl kenîz, menden welawe
bipêçeş we berg, saf waławe
bikyane perêm, ta xatir cem bo
endêşey şewan ce lay min kem bo
werne bînayîm, hey berguzîdem
daym mewaro seyłat ne dîdem