diłe xo pa’îz ha ama ce ser
payîzname
Li pirtûka:
Şî’rekanî Cehanara
Berhema:
Cehanara (1859-1911)
6 Xulek
1592 Dîtin
diłe xo pa’îz, ha ama ce ser
çûn tucar pêşen, zerdî ce bender
çeme! sa bidye we zerdî çemda
şemał, nemaman, medo be hemda
taze nemaman zerden řengişan
henî nemenden şinoy dengişan
goşe goş bider we derdî xezan
ce bext xezan meber ḧał nezan
nemam arezûy řeng sîweylNava taybeten
çenî min û to sîweylNava taybet bêmeylen
xezan wêł bîyen we ser berdanda
şemał wełg min berd we herdanda
minîç her ewderd, ew zerdî û ew řeng
ew çem û ew xem, ew ceste û ew deng
hîç meber ’aciz «nemam» dułber
her be toş nedan ḧeq ce bałay ser
be çend kesîş dan zerdî be gonaş
xisûs řeng min, biřyan we bałaş
to meber ’aciz, ce zerdîy řengit
to çenî sebzî, bîyen be cengit
min çenî sûrxî, daym dawamen
ce zerdîy řengim, her waweylamen
qesemtan medo «new tûł nemam»
şerḧ derditan îzhar ken, ce lam
ser ta we daman, her zerdî pêwen
zerdî řengitan, ne ah kêwen
hîç kurêz meden nemam bê derden
bê derd meḧałen meger ce merden
her kes derdêweş nebo ce diłda
çûn bułbuł neşo we sucdey gułda
ane ne şerten, ne wefa û ne meyl
ne sozen, ne ’eşq, ne dił mebo keyl
nemaman yekser gişt kerden îqrar
azîz ême gişt, mer fesił behar
nobe kefit ew des persay nemaman
derd to çêşen şay cemîn caman
hîç teklîf meken derdim bê dewan
nimegnom we des ḧekîmî ḧałzan
dûbare watin mer ew ḧekîm bo
dewa bizano, perî derd to
zexim dił we tîr hîç dewaş nîyen
piřen cew derde, henî caş nîyen
ew ḧekîm bido dewa peyapey
xo min bêzarim cew cam û cew mey
meger ew ḧekîm, ew tîre şenden
zeximş ne řûy dił ta meḧşer menden
nemam ah serd kêşa ce derûn
xeylê ’aciz bîn ce çerx gerdûn
eweł min watim: dewam naçaren
dewa, ne çarey, min ne pêwaren
er sed ke ḧedîs pêẍemberNava taybet řasen
meseley qedîm werînen, pasen
herçî diraz bo her nîyen meqbûł
bełam wateman, to biker qibûł
er sed berzîman ce ḧed ew deren
sebru teḧemûl ce gişt xasteren
weşłey be êwe her wext pa’îzen
ewsa mezanin, dûrî azîzen
er wehar beyo mewsol dosen
bê xeber ce derd gişt beła û kosen
xo hem ne payîz ne wehar ne wext
hîç nîyen ce lam henî tefawit
eger wehar bo, eger payîz bo
eger řefêq bo, eger azîz bo
eger zimistan, eger hamin bo
řoḧim perwazen, mer xem zamin bo
ne şeb û ne řo, ne mah û ne sał
sebir û teḧemmul ce lam bê meḧał
sa diłe wesîn, wes der dedîser
satê řaḧet ber bê xof û xeter
mebo du’ay cext bikero perêt
her mubtelay derd pase beyo pêt
çûn dił sengenî bed beyo ne řêt
her mubtelay derd pase beyo pêt
sa çûn azardar her zemîn bo cêt
her mubtelay derd pase beyo pêt
nepersay eḧwał îxlasmend wêt
her mubtelay derd pase beyo pêt
erê bê mirwet, hey yaẍî ce wêt
her mubtelay derd pase beyo pêt
çûn bazî nehał berşîyen ce cêt
her mubtelay derd pase beyo pêt
faydeş nîyen hey nefam, hey şêt
her mubtelay derd pase beyo pêt
xo to mezanî, merden ha ne řêt
her mubtelay derd pase beyo pêt
bider we serda, perê bext wêt
her mubtelay derd pase beyo pêt
sa çemeřa ber, pey qasd wêt
her mubtelay derd pase beyo pêt
xo ne cela day we řûxsar wêt
her mubtelay derd pase beyo pêt
ne cwanît dî, ne xud nazît kerd
ne mobetit bî, ne ’eşqibazît kerd
ne cahêłît kerd, ne nêş û ne noş
ḧał nezan ḧał, erê şeř firoş
ne ser ta pay wêt, poşa we kała
her daym we derd, pey derman nała
xo ne şadît dî, ne meclîs ne bezim
ne şew yulẍar day çûn swar řezim
ne we serkeşî dosî dûr menził
erî badeqûş wêranekey dił
ne nîga û dyay mah û sałit dî
ne temenna û meyl řoy wîsałit dî
ne tałb we meyl, beynetkaranî
ne aga we ḧał, derdedaranî
ne şertî kesê, ne wefay yarê
hîç nebît we teng ce sałan carê
her gurêzit da, perê wesił yar
erê bî qîmet ce lay ehlî şar
erê giriftar, derd kes nezan
erê sergerdan çûn wełg xezan
erê zedey xem, zam kone û no
erê cagey çeng neçîrgay heło
fermûdey me’dûmNava taybet şîrîn gyanîm
fermûdey ewen, wird zubanîm
«heło zedegey tersyakey wêm
diro bo ya řas, hewe syakêm»
ne satê řaḧet, ne pejarey şew
ne dił azaden, ce xeyał ew
pa ne dû şaxey kot sed menim
silsiley zencîr, ha ne gerdenim
bê guna û teqsîr meḧbûsim ce bend
feřaş derdim we bê çûn û çend
ne nîga û dyay mah û sałit dî
ne temenna û meyl řozgarit dî
diłe! ce qînit, dîsan ce daxt
me’lûmen bîyen, xebtî demaxt
kes çerx gerdûn nimedo bazî
çi lazim cey şerḧ, zuban dirazî
teł tamiłit, biřyan ce wiłat
penhanî řazit, nemenden ce lat
er sed ke şîrînNava taybet cey dinyay keçřew
wêş řiswa kerdiş pey wesił xesrewNava taybet
şîrînNava taybet pey xesrewNava taybet, ce şahî wiyerd
xesrewNava taybet pey şeker, badenoşî kerd
tazegî nîyen, dinya wey tewren
ce wefa mepers mayl we cewren
dûrî weşteren, ta wesił yaran
wefa bê qîmet, ce ser bazařan
xo to cehanNasnava edebît pey bî be qeqnes
araNasnava edebî ce destit berşî we ’ebes
hîç meber we teng çerx çewaşe
’alem kul mebo we zeř bê xaşe