ئای دەم ئادەم
از کتاب:
دیوانی ئەسیری
اثر:
اسیری (1895-1962)
2 دقیقه
784 مشاهده
بۆچی ئەمەندە سەر کز و شێواو و عاجز و سستی
داماو و زەرد و خەفەتبار و وسکت و پەستی
دەردێکی کاریی دەروونیت هەیە وەها گرژی
یانە خوماری دووکەڵی وافوور بووی مەستی
ئەی ڕۆڵە ئاهی گرینت گۆوای دەردی دڵە
چارەی بەگۆشەنشینی نییە دەبێ هەستی
ئاری نەوەی گەلی میدیایی شاهی کەی ئەخسار
پێ لەشکری ئەوی بۆ هەموو گۆی زەوی پەستی
چاخی لە ئاسی ئاری بەهێز و جیهان گیر بوو
ئێستا لە ئاری پاوە لەسەر دەستی عالەمە دەستی
هەر بابەتێکی ئەم گەلە دەورێکی ژووری زوو دیوە
بەخشی خوایە بۆیان حوکمڕان و سەربەستی
ئادەم لە داخی کاری دەمی دیگوت؛ ئای دەم دەم
ئەوسا لە باغی عەدنەوە بۆ کێوی هیند خوا خستی
ڕۆڵانی لێیەوە فیربوون پێیان دەگوت ئادەم
بۆی بوو بە ناو پێی خۆشبوو کە خۆشی دەیبیستی
پێشین زوانی مەردومە گوفتی شرین و نازکی تۆ
لە بڵمە بڵمەوە بوو بۆ گەلان زوانی پێویستی
زۆر ژووری، زۆر بڵندی، یەکە ڕۆڵەیی نووحی
بۆیە لە دەوری جوودی نەڕۆیی گەلت لەوی ویستی
گوفتی شیرین و ڕێکی ئەسیریتخلص لەبەر بکە ڕۆڵە
تاریکی میللەتە هۆشەنگە بێژ و هەڵبەستی