نیشتمان
از کتاب:
دیوانی ئەسیری
اثر:
اسیری (1895-1962)
2 دقیقه
758 مشاهده
خۆشەویستیی نیشتمانت باعیسی ئیمانتە
چۆڵ و وێرانیی وڵاتت مووجیبی فەوتانتە
تۆزی ئەم خاکە عەزیزە، مەرهەمە و دەرمانتە
کەڵبەز و ئەشکەوتی کێوی، قەسرتە و ئەیوانتە
***
دۆتەیی شۆ خ و قەشەنگە، ڕێک و ڕەنگین وەک وەوی
ناوی ئەم شیرین و شۆخەو نیشتمانە هەم زەوی
لاوی نەوجاهم دەهەستە، بۆ چی سەرمەستی خەوی
هی تووە ئەم نازەنینە، چاوەکەم تۆش هی ئەوی
***
خۆش و دڵگیرە نموونەی جەننەتە کوردستان
بێشە وو شاخی بۆ میللەت، بۆتە باعیس فەخروشان
سەیری کەن لێی تێبگەن ئەم جێیە سینەمای جیهان
سەروەرانی گەل لە عیشقی خاکی وا هەڵواسران
***
سەر نەنێیە تەختی سینەی خاکی پاکی نیشتمان
خوا پەرستی کەی، نییە فەڕی لە بۆ دین و ئیمان
حیکمەتی سەجدەی ئەتۆ خۆشویستنی جێتە بزان
ڕەهبەری کوردم ئەکەم بۆت حیکمەتی دینت بەیان
***
گەش بە ئەی جێی شاهی میدیا، شاد و خوڕەم بەو بژی
جەرگی لاوانی گەلی کوردە لە میللییەت تەژی
شەربەتی وریایی وو ژیریی گەل و کۆمەڵ چەژی
باوەڕت بێ تا جیهان مابێ نەوەی کرمانج ئەژی
***
سەوز و ئاودار و گوڵستان و چەم و باغی وەتەن
حەقمە بۆ موڵکێکی وا حازر لە سەرمایە کەفەن
وا لە داخی کون کونە جەرگی ئەسیریتخلص وەک سەرەن
هەر دەڵێ قوربانتم، داکم وەتەن، بابم وەتەن