جێگای موقەددەسە
از کتاب:
دیوانی ئەسیری
اثر:
اسیری (1895-1962)
1 دقیقه
735 مشاهده
بۆچی ڕەواجی نییە کوردە کاری تۆ
چەن ساڵ و چەن عەیامە وەها چەوتە باری تۆ
تا کەی تەحەممولت هەیە بەم باری میحنەتە
نادا بەشەر بەمە مل بەرد و داری تۆ
چەن خۆشە سەرفرازی وو بوونت بەسەربەخۆ
نەت چەشتووە چوزانی چییە ڕۆڵە باری تۆ
عاشق بووم بەڕوخی دوختەری وەتەن
شەقبەی ڕەقیب، ئەمە نابێ بەیاری تۆ
یاری منە، شرینی منە، دڵبەری منە
لاچۆ دەفع بە موفسید و غەدداری تۆ
لە خاکی ئەم وەتەنەم هەر دەبم بەخاکش
تۆ کێی؟ لە کوێوە هاتووی؟ ئەغیاری تۆ
بە زیندوویی و بە مردوویی پێم لازمە وەتەن
جێگەی موقەددەسە نابێتە جێ مرازی تۆ
خاوە خەیاڵی تۆ، لەت لەت کرێم ئەگەر
نابم بەپەیڕەوی بیری مەککاری تۆ
خونخواری تورکی بێ وەفا نەکو بۆ من وەهای
هەروا بەدە لەگەڵ هەموو ئیسلام کاری تۆ
کوردم، ئەسیریتخلصیە لەقەب و شوهرەتم
وریا بووم ئیتر عەقیمە هەموو کاری تۆ