یا محمد مەدەدێ
از کتاب:
دیوانی ئەسیری
اثر:
اسیری (1895-1962)
2 دقیقه
897 مشاهده
کاکە موشتاقی کەسێکم لەوە فەڕو بەرەکات
پێت بڵێم کێیە بزانی لە محمد صلواةعربی
ئەوە بۆ ئێمە تکاکەر دەمی دیوانی خوا
ئەوە ئوممێد و پەناوپشتە لە ڕۆژی عەرەسات
تووشی دەردێ بێ کە چارەی بەحەکیمان نەکرێ
باوەڕت بێ بەخوا یادی ئەوە کاکە شفات
لە پڕ ڕووەوڕوو بکەوم خاکی دەرت ڕامیسم
یا محەمەد مەدەدێ ئەم دەمە بەو خاکە بگات
تۆتیا یا نەخۆ ئیکسیرە بڵێم هەردوو کییە
من بەقوربانی بم ئەو خاکە کە کەوتە ژێری پات
کەسوکار و سەروماڵ و گەل و شارانی وەتەن
پێشکەشە گشتی بەیەکجا سەد ئەوەندەش بێ فیدات
گەر بەملیۆن بنووسم بێژ لە تۆمار و کتێب
کەمەکی نابێتە دەفتەر لەوتەی مەدح و سەنات
ئارەزووی شاری مەدینەی هەیە دڵ چونکە لەوێ
توزێ هێدی دەبێ دەیبینێ لە ڕوویی نەخشەجات
پادشای هەردوو جیهانی سەبەبی کەون و مەکان
خاتەمی دەوری زەمان، تاج و بوراقت بوو خەڵات
کردتی خوا لە مەککە و دەوری حیجازی پەیدا
بۆیە دایناوە لەوێ کەعبە و زەمزەم و عەرەفات
مەیلێ فەرموو بەمنی عاجز و داماو و فەقیر
مەیلی تۆ ئوممەت ئەکا گەر لە جەهەننەم بێ، نەجات
خۆشەویستیی تۆ نەبێ بۆ کەسێ هیچ کەڵکی نییە
نوێژ و تاعات و ڕۆژوو، سەد حەج و سەرفترە و زەکات
بەسەری ڕووتی و پاپەتی ڕووم کردە مەدینە و مەسجد
بەزەییت بێ بەگەلی کوردیی وێرانە وڵات
چ لەسەر حەققی خۆیان و، چ لەسەر دینی تووە
وەکو مەڕ سەردەبڕێن زیڕە و هاوارە بەڵات
عەرزی حاڵت ئەی ئەسیریتخلص بدەرە شاهی ڕوسول
بۆ گەیینە حەققی خۆت وەرگرە فەرمان و بەرات