نێرگزێن شەنگ د مەستن چەپ و راست
از کتاب:
دیوانی مەلای جزیری
اثر:
ملای جزیری (1570-1640)
1 دقیقه
1363 مشاهده
نێرگزێن شەنگ د مەستن چەپ و راست
ساقیان جام د دەستن چەپ و راست
راست و چەپ تێن جەگەر و سینە کولاب
عەرعەرێن شەنگ د مەستن چەپ و راست
تووخ و عالا کو خویا بوون ژ عەجەم
عەرەبان تیپ شکەستن چەپ و راست
بەر ڤ شەرقێ د سەحەر وەستایی ین
هندوویێن رۆژێ پەرەستن چەپ و راست
قەیسەرێ رۆمێ ل سەرحەددێ فرنگ
تۆپ و زنجیر ڤەبەستن چەپ و راست
هەردو دەستێن خوە حەمائل شەڤەکێ
مە ژ بۆ یارێ دخوەستن چەپ و راست
ڤە مەلێتخلص سورپەرییا حۆریسفەت
سەد مەلەک دەست ب دەستن چەپ و راست