سەرێ زولفا تە ب کوللابێ دوعا
از کتاب:
دیوانی مەلای جزیری
اثر:
ملای جزیری (1570-1640)
1 دقیقه
1500 مشاهده
سەرێ زولفا تە ب کوللابێ دوعا
هاتە دەستێ مە ب جەللابێ دوعا
سۆفییێ خەلوەنشین بێنە سوجوود
هەردو بورهێن تەنە محرابێ دوعا
عەرزێ کێ دێ بکرم سوورەتێ حال
کو تویی قبلەیێ ئەربابێ دوعا
ژ دوعایێ قەدەحەک دەر دەستە
هەر سەحەر مەستێ مەیێ نابێ دوعا
گولێ ئقبالێ ژ گولزارێ قەبوول
مە چنیبوو د شەکەرخوابێ دوعا
بەر دو بورهێن تە ژ ئخلاس و یەقین
مە دبر سەجدە ب ئادابێ دوعا
ژ دلەک سافی تو محرابێ ببین
سەجدەیەک لازمە دەر بابێ دوعا
مە د دل «عُروَةِ وُثقاعربی»یە ب دەست
ژ سەنایا تە سەر ئەلقابێ دوعا
ژ ئەزەل یەک جهەتی دایە مەلێتخلص
هەر مە ئخلاسە ژ ئەسبابێ دوعا