شەوێ شەریفتەر جە سوبحی نەورۆز
از کتاب:
دیوانی بێسارانی
اثر:
بیسارانی (1643-1702)
1 دقیقه
623 مشاهده
شەوێ شەریفتەر جە سوبحی نەورۆز
ڕەوشەنتەر جە زوڵف، ماهی دڵ ئەفرۆز
ئاسمانان یەک یەک پرشنگ مەشانان
مەلەکان جە عەرش لاحولعربی مەوانان
هەر جە وادەی شام، تا وە سوب سەڵات
بوڵبوڵ مەوانا بانگی یا حیعربی وات
ستارە جە بورج بە جەولان کەری
زوهرە موقابیل بورجی موشتەری
دڵ وە مەیل یار شیرین تەدارەک
هەوا فەرەح بەخش، ساعەت موبارەک
دڵ بەندی زنجیر زوڵفی گرنج بی
دوو لەب میوەچین نارنج نارنج بی
درێغا ئەو شەو تا وە سوب سەحەر
لەب وە بانی لەب تا یوم المحشرعربی