ستاریۆ مەبۆ وادەی سوب سەحەر
از کتاب:
دیوانی بێسارانی
اثر:
بیسارانی (1643-1702)
1 دقیقه
441 مشاهده
ستاریۆ مەبۆ وادەی سوب سەحەر
بەرمەیۆ جە بورج بەرزی کەڵەدەراعلام
نوورش پەخش مەبۆ نەڕووی سەرزەمین
ڕەهنومان پەرێ دیندارانی دین
وەختێ کە دیدەم منمانۆ جەمین
مەکەرۆ تەیار، سوپای زەنگی و چین
ستارەی شەریف جەمین مایەی خوەر
چوون شەرم دارەن، سەرمەوزۆ نەوەر
کەسێو ستارەی سەحەر نەوسەندەن
فیداش بام عەجەب پایەبوڵەندەن