دیم جەمین گوڵێ
از کتاب:
دیوانی بێسارانی
اثر:
بیسارانی (1643-1702)
1 دقیقه
584 مشاهده
دیم جەمین گوڵێ ...
بە قەتارەوە دیم جەمین گوڵێ
دەهان پڕ سەدەف چوون بۆتەی تەڵا
زوڵف شەونم شانا بە شەونم جەڵا
تەڵا سەدەفەن جە سەدەف خانە
بەرز بیەن چوون لوول جوقەی شاهانە
تەبەق تەبەق گوڵ فەیرووزەی ماوی
مەدرەوشۆ چوون باڵ سۆنەی سەراوی
قامەتش باریک سیای تورکی تەڕ
شەیدای سەر بناو چوون عەوداڵی بەڕ
هەر یەند بادێشان مەکەرۆ گوزار
هووناو چوون سەدەف مەتکیۆ بە وار
دایم سەر بە شان، شەیدای، مەستەنی
قاشوونی سیفەت دەست بە دەستەنی