چراغم بێ ڕام
از کتاب:
دیوانی بێسارانی
اثر:
بیسارانی (1643-1702)
1 دقیقه
693 مشاهده
چراغم بێ ڕام ...
مەتەرسوون نە جەور گەردوونی بێ ڕام
ماچوو نەک بێ مەیل ڕۆیێ جە ناکام
وەنەم شۆ وەقین دوور وزۆت جە لام
بە وێنەی مەجنوون ڕوو کەرۆ وە بەڕ
زەمین بە هووناو، دێدەم کەرۆ تەڕ
ئایری دووریت نە دڵ گێرون کۆ
بناڵوو جە داخ دەردی دووریی تۆ
قیبلەم ئەر گەردوون، ئێدش بۆ نە دڵ
هێمای وەر جە گشت، من بەرۆ وە گڵ
پەی چێش جای ئەلحەد تەنگنای گڵگۆ
خاستەرەن جە داخ دەردی دووریی تۆ