جامی خاترم گەرد ئالوود بیەن
از کتاب:
دیوانی بێسارانی
اثر:
بیسارانی (1643-1702)
1 دقیقه
807 مشاهده
جامی خاترم گەرد ئالوود بیەن
بازاڕی سەودام بە بێ سوود شیەن
سۆزی هەناسەم نمانا سەردی
گێڵا ڕەنگی باخ شادیم، بە زەردی
خەمی دنیای دوون جە نەزانیی وێم
هەر شەو سەد نەشتەر فێشتەر مەدۆ لێم
چندێ دڵ پەشێو ناڵەی شەوان بیم
جەلابەخشی دەرد، گشت بێ خەوان بیم
سەرمایەی دیدەم غەیر جە هوون نەبی
هیچ کارێم چەنی دنیای دوون نەبی
ئیسە بە وێنەی دنیا پەرەستان
دنیا پەرەستم بە هەزار دەستان