وژینبوکس > عارف عرفی > دیوانی عارف عورفی > ە > سەد لە سەد بەحسی شەوی هیجران بکەم هێشتا کەمە

سەد لە سەد بەحسی شەوی هیجران بکەم هێشتا کەمە

از کتاب:
دیوانی عارف عورفی
اثر:
عارف عرفی (1896-1961)
 1 دقیقه  438 مشاهده
زبان:
کردی مرکزی
قالب:
غزل
وزن:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
گزارش اشتباه
فونت:
سەد لە سەد بەحسی شەوی هیجران بکەم هێشتا کەمە
چی بڵێم بەخوا سەراپا گشتی هەر دەرد و غەمە
ڕۆژ هەتا ئێوارە، ئێوارە تا وەختی سەحەر
بیست و چوار ساعەت لە خانەی سینە شین و ماتەمە
ئاهـ بزانی بۆ چی دڵ ئەخولێتەوە بێ هۆش و ڕا
پێچراوی پێچی پێچ و پێچی پەچە و پەرچەمە
حەڵقە حەڵقە ماری زوڵفانی کە ئاڵایە ملم
عەینی ڕاکێشانی کامۆس و کەمەندی ڕۆستەمە
بۆ چی مەنعی من ئەکەی یا شێخ گوناهە کۆڕی عەشق
ئەم گوناهە پێش هەموو عالەم لە ئەستۆی ئادەمە
گەر لە نەزعا چاوەکەم چاوی بە چاوانی کەوێ
ڕەنگە زیندوو ببمەوە باوەڕ بفەرموون ئەو دەمە
سککەی ڕووی دڵبەرە خولیایی خستۆتە سەرم
خەڵقی لای وایە کە عورفیتخلص شێتی پارە و دەرهەمە