برادەر ڕوو لە درگاهی خودا کە
از کتاب:
دیوانی عارف عورفی
اثر:
عارف عرفی (1896-1961)
1 دقیقه
289 مشاهده
برادەر ڕوو لە درگاهی خودا کە
خوداوەندێ کە وا تەنها و تاکە
نەکەی تۆوی خراپە دانەچێنی
برام بەزری خراپ ناهێنێ چاکە
خراپە هیچی لێ نایەتە بەرهەم
بکە چاکە برادەر چاکە چاکە
نەتیجە و عاقیبەت هەر چوونە بۆمان
لەجێی کەیف و سەما ڕوو لە سەما کە
زەمانە زۆری وەک تۆی خست و کوشتی
نەبەستی پشت بە پشت ئەم کۆنەلاکە
هەزارانی وەکوو تۆی خستە ژێر خاک
لەدەس ئەم پیرە تا ئەتوانی ڕاکە