هەچی ڕەنجێ کە کێشام ئاخری کارم نەدامەت بوو
از کتاب:
دیوانی عارف عورفی
اثر:
عارف عرفی (1896-1961)
1 دقیقه
300 مشاهده
هەچی ڕەنجێ کە کێشام ئاخری کارم نەدامەت بوو
تەریقەی گۆشەگیریم گرت ئەمە ڕێگەی سەلامەت بوو
غەڵەت بووم پێم نەزانی بوو پەشیمانی ئەبێ حاسڵ
دڵی بێچارە ناحەق ئینتیزاری پەیک و نامەت بوو
بەڵا بوو یاخۆ باڵا بوو بە دڵ زۆرم سەرنج داوە
تەواو حاڵی نەبووم ئێستەیش کە قامەت یا قیامەت بوو
کە شمشێری برۆی کێشا بەجارێ تاک و جووت وەستا
لە ڕێگەی عەشقدا بۆ کوشتنی ئێمە عەلامەت بوو
مودەڕیس حەقیەتی سوجدە بباتە بەر جەماڵی ڕووی
کە دی ئەو جووتە ئەبرۆی تاقی میحرابی ئیمامەت بوو
گەهێ قیبلەی پەرەستی، گەهـ ئەبەستێ ڕوشتەیی زوننار
لە ئیعتیقاد و ئایینا سەرم سووڕماوە کامەت بوو
بەسە عورفیتخلص بەسی بێ پەیڕەوی جوانان ئیتر مەگرە
لە عەشقا کار و باری تۆ نەتیجەی هەر نەدامەت بوو
پەرێشانە کەلامت شێوەیی شیعرت پەشێواوە
دیسان سەد بارك اللهعربی بۆت ئەمە نووسینی خامەت بوو