ئەی بادی سەبا هەستە بڕۆ بۆم بە وەکالەت
از کتاب:
دیوانی عارف عورفی
اثر:
عارف عرفی (1896-1961)
1 دقیقه
657 مشاهده
ئەی بادی سەبا هەستە بڕۆ بۆم بە وەکالەت
بۆ خزمەتی ئەو یارە عەزیزە بە دەلالەت
عەرزی بکە خوا بیگرێ لە بۆ عەهد و وەفاکەی
هەڵنەبڕێ هەتا ماوە ئەبەد چاوی خەجاڵەت
من بووم سۆپەری چاوی بەد و ئاخری چۆن بوو
پاداشی هەموو چاکەیەکم، شەرتی عەداڵەت
وەڵڵاهی نەبووم موستەحەقی ئەم هەموو زەجرە
کە پێی گوتم بمهاوێژە ناو چاهی زەلالەت
ڕۆژی ئەزەل ئەبوایە نەچوومایە مەسافی
نەمزانی ملم بشکێ ئەمەم کرد لە جەهالەت
خێرم لە تۆ ناوێ، وەرە لێم لادە شەڕیشت
دەس هەڵگرە لێم تۆ بی و خودا بەسیە ڕەزاڵەت
تا ماوە حەیاتم تەرکی بکەم بەزمی حەریفان
چۆن جارێکی تر خۆم بخەمە بەحری مەلالەت